Sunday, December 2, 2012

లాండ్రీ - 7 . రిపేరులు - డార్నింగ్

రిపేరులు  - డార్నింగ్ 
సన్నని    కూర్పు    కుట్లని   ఉపయోగించి   చిన్న   చిరుగులను  కుట్టు  పద్ధతినే   డార్నింగ్  అని  అందురు .
డార్నింగ్    చేయుటలో   ప్రాధమిక   సూత్రాలు   :---
1. డార్నింగ్   చేయునపుడు   ఎడమ   చేతివైపు   వైపు    మొదలుపెట్ట వలెను . ఎందుకనగా   
a.) డార్నింగ్    చేయు  నమునా     తిరిగి     చూచుకొనుటకు    సులభముగా    ఉండును .  
b.) డార్నింగ్   చేస్తున్నప్పుడు     ఆ   భాగాన్ని    చేతితో     మూసివేయరాదు .
c.) రిపేరు    చేసిన    భాగాన్ని    చేతితో    రుద్దరాదు .  అట్లు    చేసినయెడల  పోగులు   రాలిపోవును        లేదా     అందము     చెడి  పోవుటకు   అవకాశము    కలదు .  
2. డార్నింగ్     ఒక    క్రమ   పద్దతిలో    చేయవలెను   లేదా  కొత్తగా    ప్రక్కనే    చిరిగిపోవుటకు      అవకాశము   కలదు .   దీర్ఘ   చతురస్రాకారములో   డార్నింగ్    చేయుట    ఉత్తమము .
3.డార్నింగ్   చేయునపుడు    రెండు   కొనల వద్ద    1/4"   దారము    వదలి  ,  ప్రతి   వరుస  చివర   లూపు    వలె     దారము    వదలవలెను .  ఇట్లు    చేయుటవలన    బట్ట    కుంచించునపుడు   ఉపయోగపడును .
4.  డార్నింగ్    చేయునపుడు    ఆ    బట్టకు   సరిపడు    దారము  ,  రంగును   ఎంచు  కొనవలెను .  
  సాధారణముగా        పట్టునకు    పట్టు  ,  ఊలు    నకు    ఊలు   ,  నూలు   నాకు  నూలు   ఉపయోగించవలెను .
5. డార్నింగ్     చేసినపుడు   బట్టను   సాగదీయ    రాదు .  బట్ట నుండి   దారమును   లాగునప్పుడు   
బొటనవ్రేలితో    దారమును    పట్టుకొన     వలెను .
కావలసిన   సూదులు  :---  దీనికి     పొడవైన    మరియు    పెద్ద  రంద్రముగల    సూదిని    వాడవలెను . 
a) పొడవైన    సూదివలన     ఎక్కువ    సంఖ్య లో    కుట్లను    తీయుటకు    ఉపయోగపడుతుంది  .  
b) పెద్ద  రంద్రముండుట    వలన   ఆ  బట్ట    యొక్క   ప్రత్యేకమైన    దారాన్ని   సులభముగా   ఎక్కించుటకు       వీలుకలుగును .
సూదిని   కుట్టునపుడు    పట్టుకొనవలసిన    దిశ  :--- 
up   rows      -  from  the   chest
down  rows   -  towards   the   chest  


నిలువుగా     చిరిగిన    చిరుగును    డార్నింగ్   చేయుట :---
ఇది    సాధారణముగా    చాకు    నుపయోగించునప్పుడు   నిర్లక్ష్యము      వలన    ఏర్పడుతుంది  .  ఇది    నిలువుగా    గాని    అడ్డముగా  గాని     చిరుగును .    దారాలు    నిలువుగా   చిరిగితే    అడ్డముగా   
డార్నింగ్     చేయవలెను .   అడ్డముగా     చిరిగితే     నిలువుగా    చేయవలెను .  7వ   లేక   8  వ   నెంబర్  గల     సూదులు     ఉపయోగించవలెను .   అంచు  వైపున     గల    పోగుతో    డార్నింగ్    చేసిన    యెడల    అది   చక్కని    ఫలితమునిచ్చును  .    బట్ట     పోగులు    రాలి    పోయోదైన    యెడల   అంచులను   సన్నని    సూది ,    దారము   సహాయముతో   చిన్న చిన్న    ఫిష్  బోన్   కుట్టు   వేయవలెను .   చిరుగు   మొదలు   వద్ద    సూదిని    గ్రుచ్చి    1/6"   వంతు    దూరములో    సూదిని   బయటికి  తీయవలెను .  ఈ    విధంగా    చిరుగు   చివరి  వరకు      చేయవలెను .     చిరుగు   అంచులు   రెండూ     బట్ట  రాంగ్   సైడ్    లో       దగ్గరికి    చేర్చబడతాయి .   తరువాత    డార్నింగ్   చేసిన    తరువాత    ఈ    కుట్లు    విప్పివేయ  వలెను .
'L'   ఆకారముగా    చిరిగిన    చిరుగును    డార్నింగ్   చేయుట :--- 
బట్ట     యొక్క   రాంగ్  సైడ్    డార్నింగ్    చేయవలేను .   చేప    ముళ్ళు  కుట్టుతో    అంచులను   కుట్ట వలెను .  బట్ట    మరీ    సున్నితమైన      దయిన    యెడల ,   ఎక్కువ  పోగులు    రాలిపోయే  దయిన  యెడల   బట్ట  అడుగున    ఒక    దళసరి    పేపర్    నుంచి    కుట్ట   వలెను .  దీని    వలన    
ముడుతలు    తక్కువగా    పడుటకు   అవకాశము    కలుగును .   
                                                              బట్టను     బొటన వ్రేలు  ,  చూపుడు  వ్రేలు   ,   మద్య   వ్రేళ్ళ   సహాయముతో    పట్టుకొనుము .
                                            బట్ట     యొక్క    అడ్డపు   పోగుల   వైపు     డార్నింగ్   చేయుట   మొదలుపెట్టవలెను .   ఎడమ    చేతి  వైపు   డార్నింగ్    చేయుట     మొదలుపెట్టవలెను .   ఒకటి  ,రెండు  లేక    మూడు  పొరల    దారమును   సూది    లోకి    తీసుకొని    అన్ని    వరుసలలో   సమాన  సంఖ్య  లో    కుట్లు    వేయ వలెను .   అదే    విధముగా    మరియొక    వైపు   కూడా   కుట్టవలెను .   చిరుగు పైన   1/4"  నుండి    కుట్లు    మొదలు   పెట్టవలెను .   అన్ని    వరుసలు    సమ  దూరములో    ఉండవలెను .
రంద్రాన్ని    డార్నింగ్      చేయుట :---
చిరుగు    దగ్గర    బయటకు    వచ్చిన   పోగులను    కత్తిరించి    డార్నింగ్    చేయు    స్థలమును     శుబ్ర పరచి     తిరగవైపునకు    త్రిప్పి    కుట్టుటకు    మొదలుపెట్ట వలెను .     
                                                                 కుట్టు నప్పుడు     రంద్రమున్న    స్థ లమందు    దారమును   వదలి   తిరిగి   రంద్రము      చివరనుండి       కుట్టుటకు    మొదలు  పెట్టవలెను .    డార్నింగ్     నిలువుగాను     అడ్డముగాను   చేసిన    రంద్రమున్న    స్థ లమునందు     దారమును    అల్లిక   వలే   కుట్టిన    నేత   వలే     వచ్చును  .    ఈ    విధంగా     రంద్రము    కుట్లతో     మూయబడును .