లేసు వస్త్రాలను శుబ్ర పరచుట
లక్ష్యము :---లేసు వస్త్రాలను శుబ్రపరచుట.
ఉపోద్ఘాతము:--- లేసు సున్నితమైనది . ఇది నూలు , పట్టు , జరీ దారాలతో అల్లబడి
ఉంటుంది . రక రకాల అల్లికలు అల్లి అలంకరణగా వాడుదురు . లేసు చేతితో లేక మెషిన్ తో
అల్ల వచ్చును . సున్నితమైన దారాలతో చేయబడినది కావున శుబ్ర పరచునపుడు తగు
జాగ్రత్తలు తీసుకోనవలెను .
పద్ధతి :--- శుబ్ర పరచుటకు ముందు చిరుగులు ఏ వైన ఉన్న సరి చేయవలెను .
సాధారణముగా లేసు తెల్లని నూలు దారముతో అల్లబడి ఉంటుంది . కావున లేసును తెల్లని
నూలు బట్టలను శుబ్ర పరచు విధానముతో శుబ్రపరచ వచ్చును .
ఉడక బెట్టుట :--- లేసు ముక్కలను ఒక సన్నని బట్టలో మూట కట్టవలెను .
నీటిలో సబ్బు ముక్కలను మరియు లేసు మూటను వేసి పది నిముషముల వరకు సన్నని
సెగపై ఉడక బెట్ట వలెను .
ఉతుకు విధానము :--- లేసును శుబ్ర పరచు వివిధ పద్దతులు :---
1.ఎక్కువ మురకి ఉన్న లేసును సబ్బు నీటిలో నాన బెట్ట వలెను . మురికి సులువుగా వదల
వలెనన్న సబ్బు నీటిలో కొంచెము బొరాక్స్ కలపవలెను . ఈ విధముగా అర గంట
నానబెట్టిన తరువాత ఉతికి శుబ్ర మైన నీటిలో జాడించ వలెను .
వలెనన్న సబ్బు నీటిలో కొంచెము బొరాక్స్ కలపవలెను . ఈ విధముగా అర గంట
నానబెట్టిన తరువాత ఉతికి శుబ్ర మైన నీటిలో జాడించ వలెను .
2. లేసును వెచ్చని సబ్బు నీటిలో ఉతక వచ్చును . తెల్లని లేసైన రిన్ సబ్బును వాడ
వచ్చును .రంగు లేసునకు లక్సు ముక్కలను నీటిలో కలిపి వాడవచ్చును . సబ్బు నీటిలో
లేసును ముంచి పిండి పిసికిన విధంగా మురికిపోయే వరకు ఉతికి మురికి వదలిన
తరువాత శుబ్ర మైన వెచ్చని నీటిలో జాడించ వలెను .
3. పొడవైన లేసును శుబ్ర పరచుటకు ఒక పొడవైన సీసాసు తీసుకొని దాని చుట్టూ
ఫ్లానేల్ బట్టను చుట్టి దానిపై లేసును క్రమంగా చుట్టి లేసు చివరి భాగాన్ని ఊడకుండా
టాకా వెయ వలెను . సీసాను వెచ్చని సబ్బు నీటిలో ముంచి చేతితో మురికి పోయేవరకు
రుద్దవలెను . మురికి పోయిన తరువాత శుబ్ర మైన వెచ్చని నీటిలో జాడించ వలెను .
4.చిన్న లేసు ముక్కలను శుబ్ర పరచ వలెనన్న ఒక వెడల్పు సీసాలో వెచ్చని సబ్బు నిరు
పోసి లేసు ముక్కలను సీసాలలో వేసి సీసాను మూసి బాగా ఊపవలెను . మురికి
పోయిన తరువాత శుబ్రమైన నీటిలో జాడించ వలెను .
గెంజి పెట్టుట :---బియ్యము ఉడకబెట్టి వంచిన గెంజిలో తగు మాత్రము నీళ్ళు కలిపి
వాడ వచ్చును . తెల్లని లేసునకు గెంజిలో నీలి మందు కలుపవలెను . క్రీం రంగు లేసైనచో
టీ చుక్కలను గెంజిలో కలప వలెను .
ఆరవేయ వలెను :---లేసును ఒక తువ్వాలు లో ఉంచి తువ్వాలును గట్టిగా చుట్టి
ఒత్తవలెను . లేసును ఒక దళసరి బట్టపై పరచి అంచులను గుండు సూదితో అమర్చ వలెను .
ఇస్త్రీ చేయుట :--- ఆరిన తరువాత ఇస్త్రీ చేయ వలెను .